ضيعت 3 سنين من عمري في الحب

البلد: 
السلام عليكم
انا بنت عمري 19 بدرس حاليا ما رح طول عليكم رح فوت بالموضوع دغري حبيت واحد عن طريق النت لمدة سنتين ونص, كان واعدني انو رح بيتقدملي باقرب فترة ممكنة, أو بالاحرى بس يحكي لآختو لكبيرة منشان تتعرف علي وهيك .. المهم ضليت انتظر ايمت رح يحكيلها لآنو صراحة بلش يتقدملي خطابين كتير وانا ارفض, بعد ما حكالها اجا حكالي انو هية ما حبتني حكتلو ليه؟ حكالي لآنك مو محجبة, حكتلو وشو دخلو الحجاب ياما بنات محجبات بس جواتن وقلبن وسخ .. حكالي خلينا نسكر الموضوع وهيك .. انا ما رجعت سألت لآنو حكيت اكيد اختو ما رح تأثر عليه, وبلش حالو بالتغيير بطل يسأل ولآ يغار ولآ يهتم, وما عاد جبلي سيرة الخطبة او انو بدو يتقدملي .. حاولت كتير الفت انتباهو وهيك بس كان يحكيلي انا صراحة مو مفكر بالجواز نهائيا .. عملت حالي مو شايفة ودغري غيرت الموضوع حكيت بجوز لآنو نفسيتو تعبانة كانت , لحد ما اجا يوم تقدم لخطبتي حدة من العيلة, الحمدلله بالعيلة مافي شي عنا اسمو جواز اجبار, ما وافقت , اجت اختي سألتني , حكتلها الحقيقة انو عم بنتظر حدة تاني, حكتلي لكان خلي يجي يطلبك هوة قلتلها فكرة اليوم بحكي معو, بعد ما حكتلو انو شو رئيك تجي تحجزني, ما تخطبني ولآ شي بس نقرا فاتحة, حكالي ليش, ما حكتلو السبب حكالي انو هلئ هوة ما فينو وظروف وما بعرف شو وبتعرفو الشب وقتت يتحجج, حكتلو ماشي ما تفكر خلآص انسى, بعد ساعتين بعتلي انا حاسس انو جايكي خطابين بس ازا اجا حدة صالح ما ترفضي, انا نصدمت صراحة , حكتلو هالقدر انا رخيصة عندك, هالقد انت مو متمسك فيني, حكالي مو هيك القصة بس انا منشانك منشان ما تتعزبي وتنتظريني وبجوز ما كون لآلك , حكتلو تمام .. وبعدها رحت وافقت على الشب يلي تقدملي .. وصراحة مو ندمانة غير على اني ضيعت 3 سنين من عمري وانا اعشق فيه رغم كل عيوبو وعصبيتو وتجريحو بالكلآم .. بس بتمنى تدعولي الله يشيلو من قلبي ويحط بقلبي حب خطيبي ,لآنو عنجد انسان بقمة الاخلآق والاحترام ..
إدعم الموقع بنشر الموضوع مع أصدقائك

احلام

2015.12.15 - 23:21

اختي انت رخصتي نفسك لواحدمايستاهل ابدا وضيعت عمرك من اجله رغم كل ماقاله لك الشاب في البداية وصارحك فيه ولم يخدعك اويجري وراءك انت من اضعت نفسك وجريت وراءه احمدي الله انو جاك عريس فيه كل صفات الرجولة والاخلاق والاحترام وخطبك من اهلك حسب الاصول فانسي الشاب وافتح قلبك وعقلك لخطيبك وربي يتمم لكمابالخير ويصلح حالكما وكل شي في الحياة قسمةونصيب وربي يسعدك معه

صاحبة الموضوع

2015.12.15 - 23:28

شكرااا لكي أختي احلام
ساحاول ان اعمل على نصيحتك
شكرا